काठमाडौँ । बझाङमा जीप दुर्घटनामा परी सुदूरपश्चिम प्रदेशका आन्तरिक मामिला तथा कानुनमन्त्री पृथ्वीबहादुर सिंहको मृत्यु भएको छ ।
डडेल्धुराबाट बझाङ सदरमुकाम चैनपुर आउने क्रममा मन्त्री सिंह चढेको सुपप्र ०१००१ झ ४८० नम्बरको गाडी दुर्घटना हुँदा सिंह दम्पत्ती सहित तीन जनाको मृत्यु भएको हो ।
प्रहरीका अनुसार मृत्यु हुनेमा ५५ वर्षीय सिंह सहित उनकी पत्नी ५० वर्षीया अमृता सिंह र ६५ वर्षीया भाउजु जया देवी सिंह रहेका छन् ।
दुर्घटनामा परी गम्भिर घाईते भएका मन्त्री सिंहको कोहलपुर मेडिकल कलेजमा उपचारको क्रममा मृत्यु भएको हो ।जीपमा ५ जना सवार रहेका मध्ये चालक धर्मराज जोशी र प्रहरी सहायक हवल्दार दीपक भण्डारीको नेपालगन्जमा उपचार भईरहेको छ ।
