एजेन्सी । अमेरिकाका पूर्वराष्ट्रपति डोनाल्ड ट्रम्प यौन दुर्व्यवहारको मुद्धामा दोषी ठहर भएका छन् ।
न्यूज एजेन्सी एपफपीका अनुसार न्यूयोर्कको एक अदालतले ट्रम्पलाई कैरललाई क्षतिपूर्तिका रुपमा ५० लाख डलर दिनुपर्ने फैसला समेत सुनाएको छ । ट्रम्पमाथि सन् १९९० मा यौन दुर्व्यवहार गरेको र त्यसलाई झुठो भनि बदनाम गर्ने प्रयास गरेको आरोप लगाइएको थियो ।
यद्यपि अदालतले कैरलमाथि बलात्कार भएको विषयमा भने जिम्मेवार ठहर गरेको छैन । किनभने यो मुद्दा सिभिल कोर्टमा चलिरहेको छ । दुई सातासम्म म्यानह्याटन संघीय अदालतमा चलेको सुनुवाईमा ट्रम्पलाई पेश गरिएको थिएन । ट्रम्ले यस आरोपलाई अस्वीकार गरेका छन् ।
यो फैसलासँग आगामी राष्ट्रपति निर्वाचनमा लड्ने ट्रम्पको चाहनामाथि ठूलो झट्का लागेको छ । ट्रम्पमाथि ३० लाख डलर मानहानी तथा २० लाख डलर दुर्व्यवहारका लागि जरिवाना लगाइएको थियो । उक्त फैसलाबारे ट्रम्पले आफ्नो सोसल मिडिया प्लेटफर्म ट्रुथमाथि प्रतिक्रिया दिएका छन् ।
उनले लेखेको छन्, ‘मलाई कुनै पनि तरिकाले यो को महिला हो भन्ने जानकारी छैन । यो फैसला एउटा अपमान हो ।’ ट्रम्पका प्रवक्ताले बयान जारी गर्दै यो डेमोक्रेटिक पार्टीको ट्रम्पका विरुद्ध अभियान सञ्चालन गरिएको दाबी गरिएको छ । उनले यो राजनीतिबाट प्रेरित मुद्दा भएको बताएका छन् । ट्रम्ले फैसलाविरुद्ध अफिल गर्ने पनि बताएका छन् ।
