जनकपुरधाम । मधेश प्रदेशमा प्रतिपक्षी दल नेपाली कांग्रेसले मधेश प्रदेशसभाको बैठक अवरुद्ध गरेको छ ।
संसदीय दलको कार्यालयमा अतिथिलाई आउन मर्यादापालकले नदिएको भन्दै कांग्रेसका सचेतक कुमरकान्त झाले संसदीय दलको कार्यालयमा अतिथि बोलाउन पाउने कि नपाउने भन्नेबारे जवाफ नआएसम्म बैठक चल्न नदिने बताउनुभयो ।
सभामुख रामचन्द्र मण्डलले सचेतक झालाई ‘तपाईंको पाहुना बम लिएर संसद् सचिवालयभित्र आउन खोजे प्रवेश गर्न दिने कि नदिने’ भनी प्रश्न गर्नुभयो । प्रदेश सचिवायलभित्रै सबै दलको संसदीय दलको कार्यालय रहेका छन् । त्यसपछि १० मिनेटका लागि प्रदेशसभा बैठक स्थगित भएको छ ।
