सुर्खेत । कर्णाली प्रदेशप्रमुख तिलक परियारले सात दिनभित्र सरकार गठन गर्न आह्वान गर्नुभएको छ । उहाँले यही पुस २७ गते सोमबार अपराह्न ५ बजेभित्र मुख्यमन्त्री नियक्तिका लागि आह्वान गर्नुभएको हो ।
कर्णाली प्रदेशमा कुनै पनि दलले स्पष्ट बहुमत नल्याएकाले संविधानको धारा १६८ को उपधारा (२) बमोजिम सरकार गठनका लागि आह्वान गरिएको छ ।
उक्त उपधाराबमोजिम प्रदेशसभा प्रतिनिधित्व गर्ने दुई वा दुईभन्दा बढी दलको समर्थनमा बहुमत प्राप्त गर्नसक्ने प्रदेशसभा सदस्यको नेतृत्वमा सरकार गठन हुनेछ ।
कर्णाली प्रदेशमा ४० प्रदेशसभा सदस्य रहेका छन् । यस प्रदेशमा सबैभन्दा ठूलो दल नेपाली कांग्रेका १४, नेकपा (माओवादी केन्द्र) का १३, नेकपा (एमाले) का १०, राष्ट्रिय प्रजातन्त्र पार्टी (राप्रपा), नेकपा (एकीकृत समाजवादी) र स्वतन्त्र गरी एकरएक जना सदस्य रहेका छन् ।
