काठमाडौँ । नेकपा एकीकृत समाजवादीका अध्यक्ष माधव नेपाल र एमाले पोलिटब्यूरो सदस्य महेश बस्नेत बीच भेटवार्ता भएको छ । अध्यक्ष नेपाल निवास कोटेश्वरमा दुई नेताबीच भेटवार्ता भएको हो ।
भेटवार्ताका क्रममा नेता बस्नेतले अध्यक्ष नेपाललाई एमालेमै फर्किन आग्रह गरेका थिए । बस्नेतको आग्रहलाई अध्यक्ष नेपालले सकरात्मक रुपमा लिएको स्रोतले बतायो ।
अध्यक्ष नेपालसँगको भेटवार्तामा नेकपा एसका सचिव मेटमणि चौधरी पनि सहभागी थिए । एमाले अध्यक्ष केपी शर्मा ओली र प्रचण्ड एक ठाउँमा उभिएपछि अध्यक्ष नेपाललाई पनि फर्काउन दुबै पक्षका दोस्रो तहका नेताहरु प्रयासरत छन् ।
यसैबीच आज बिहानको भेटमा प्रचण्डले आफू नेतृत्वको सरकारमा आउन अध्यक्ष नेपाललाई आग्रह गरेका थिए । एमाले नेताहरू ओली र माधव नेपालबीच भेट गराई संवाद गराउन लागिपरेका छन् ।
