काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्रीमा नियुक्त भएपछि नेपाली कांग्रेसका नेताहरूले बधाई दिएका छन् ।
माओवादी पदाधिकारी बैठकपछि पत्रकारहरूसँग कुरा गर्दै माओवादी प्रवक्ता कृष्णबहादुर महराले कांग्रेस सभापति शेरबहादुर देउवा लगायत नेताहरूले फोन गरेर प्रचण्डलाई बधाई दिएका बताए । उनले भने, ‘म नेताहरूको नाम लिन्न । कांग्रेसका केही नेताहरूले फोन गरेर दाहाललाई बधाई दिनुभयो । र हाम्रो प्रधानमन्त्री तपाई नै हो भन्नुभयो ।’
कांग्रेसको हठका कारण गठबन्धन टुटेको महराले बताए । उनले कांग्रेस वरिष्ठ नेता रामचन्द्र पौडेलले समेत देउवाका कारण गठबन्धन टुटेको भन्दै असन्तुष्टि जनाइरहेको बताए ।
