काठमाडौँ । राष्ट्रिय स्वतन्त्र पार्टीकी नेतृ एवं नवनिर्वाति सांसद डा. तोसिमा कार्कीले कामचलाउ सरकारले रातारात जनघातक अध्यादेश ल्याउन लागेको भन्दै विरोध जनाएकी छन् ।
कार्कीले सामाजिक सञ्जालमार्फत प्रतिक्रिया जनाउँदै कामचलाउ सरकारले अध्यादेश ल्याउनु कुर्सी मोहको पराकाष्ठा भएको बताएकी हुन् ।
देशलाई दुर्घटनाबाट बचाउन नागरिक विरोध आवश्यक रहेको भन्द्र कार्कीले तत्काल यो अध्यादेश सच्याउन तथा खारेज गर्न माग समेत गरेकी छन् ।
उनले भनेकी छन् –
बहुमत पुर्याउनकै लागि कुन हद सम्म जान सक्ने ? अपराधीहरुलाई कारागारसम्म गएर भेट्ने तथा रिहाई गराउन यो कामचलाउ सरकारले रातारात जनघातक अध्यादेश ल्याउने सम्मको निर्लज्ज कुर्सी मोहको पराकाष्ठा १ अनि यहि नेतृत्वबाट हामीले जनताको लागि के अपेक्षा गर्ने ?
विधिको शासनलाई आफू अनुकुल नचाउन दिईनु हुदैन । देशलाई दुर्घटनाबाट बचाउन नागरिक विरोध आवश्यक छ । तत्काल यो अध्यादेश सच्याईयोस् र खारेज गरियोस् गरियोस् !!
