काठमाडौं । गठबन्धनमा आवद्ध दलका युवा संगठनहरूले राष्ट्रपति विरुद्ध नाराबाजी गर्दै प्रदर्शन गरेका छन् ।
राष्ट्रपति विद्यादेवी भण्डारीले नागरिकता विधेयक प्रमाणीकरण नगरेको भन्दै सत्तारूढ दलका निकट विद्यार्थी संगठनहरूले आज बिहान माइतीघरमा प्रदर्शन गरेका हुन्।
राष्ट्रपतिले नागरिकता विधेयक प्रमाणीकरण नगरेर गैरसंवैधानिक कदम चालेको संयुक्त युवा संगठनको बुधबारको बैठकले ठहर गरेको थियो ।
राष्ट्रपति भण्डारीले दुबै सदनबाट दुई दुई पटक सम्म पास गरेको नागरिकता विधेयक प्रमाणीकरण नगरेपछि अहिले विरोध भइरहेको छ ।
