एजेन्सी । संयुक्त राष्ट्रसंघले काबुल मुद्दाबारे छलफल गर्न आपतकालीन बैठक बोलाएको छ ।
काबुल क्षेत्रलाई सुरक्षित क्षेत्र घोषणा गर्ने या नगर्ने विषयमा संयुक्त राष्ट्रसंघका महासचिव एन्टोनियो गुटेरेसले आपतकालीन बैठक डाकेका हुन् ।
सोमबार आयोजित बैठकमा काबुललाई सुरक्षित क्षेत्र घोषणा गर्ने या नगर्नेबारे फ्रान्स र बेलायतले प्रस्ताव राख्ने रोयटर्सले जनाएको छ ।
अफगानिस्तानको राजधानी काबुलस्थित विमानस्थलमा एकै साताको अन्तरमा दुई ठूला आक्रमण भएपछि राष्ट्रसंघले उक्त बैठक बोलाएको हो ।
बैठकमा अमेरिका, चीन, बेलायत, रुस, र फ्रान्स सहभागी हुनेछन् ।
