सप्तरीको डाकेश्वरी निर्वाचन केन्द्रको मतदान स्थगित हुने भएको छ । केही ओक्रोशित समूहले मेतपेटिका फोडेर मतपत्र छरिएपछि निर्वाचन स्थगित हुने भएको बताइएको छ ।
यद्यपि मतदान स्थगितको औपचारिक निर्णय भइसकेको छैन । मतदान स्थलमा मतपत्र छरिएको छ । अब आयोगले सूचना निकालेर सो मतदान केन्द्रमा निर्वाचन स्थगित गरी पुनः छिट्टै मतदान गर्नुपर्ने हुन्छ ।
एक अशक्त मतदाताले मतदानका लागि आग्रह गर्दा मतदान अधिकृतले मतदाताले भनेको सट्टा अर्को चिह्नमा मतदान गरिदिएको भन्ने आरोप लगाउँदै आक्रोशित समूहले विवाद गरेको थियो ।
विवाद बढ्दै गई उग्र रुप लिएपछि आक्रोशित समूहले मतपेटिका फोडेर मतपत्र छरेका थिए ।
