काठमाडौं । नेपाल कम्युनिस्ट पार्टी (नेकपा) का अध्यक्ष एवं पूर्वप्रधानमन्त्री पुष्पकमल दाहाल प्रचण्ड शुक्रबार बिहान भारतको नयाँदिल्ली गएका छन् ।
उनी भारतीय जनता पार्टी (भाजपा) ले आयोजना गरेको थिंक ट्याङ्क इण्डिया फाउण्डेशनको कार्यक्रममा भाग लिन अध्यक्ष प्रचण्ड दिल्ली गएका हुन् ।
प्रचण्डले प्रमुख अतिथिका रुपमा उक्त कार्यक्रमलाई सम्बोधन गर्ने छन् । भारत जानुअघि त्रिभुवन अन्तर्राष्ट्रिय विमानस्थलमा पत्रकारहरुसँग कुरा गर्दै अध्यक्ष प्रचण्डले आफूलाई दुई महिनाअघि निमन्त्रणा आएको बताए ।
पहिले गोवामा कार्यक्रम हुँदा आउन नभ्याउने बताएको र दिल्ली सरेपछि बिहान गएर बेलुका फर्कने भएकाले विचार सम्बन्धी कार्यक्रममा भाग लिएर फर्कने बताए ।
उनले विचार निर्माणमा इन्डिया फाउन्डेसनको भूमिका महत्वपूर्ण रहेको बताए । उनले विचार सम्बन्धी पार्टीको दृष्टिकोण, देशको दृष्टिकोण, दक्षिण एसियाको विकास र नेपाल–भारत सम्बन्धको बारेमा विचार राख्ने बताए ।
उनले कुनै राजनीतिक भेटघाट नहुने पनि बताए ।
इन्डिया फाउन्डेसनको यो पाँचौं संस्करण हो । यसअघि पनि नेपालबाट नेताहरु गएका थिए ।
https://hamrakura.com
