हेटौँडा। मकवानपुरको हेटौँडाका पाँच शैक्षिक संस्थाले ३२ लाख पाँच हजार रुपैयाँ सहयोग गरेका छन् ।
हेटौँडा स्कुल अफ म्यानेजमेन्टले रु २० लाख, नवोदय शिशु सदनले छ लाख ५० हजार, नारायणी कलेजले दुई लाख, सोलिड्यारिटी इन्टरनेसनल एकेडेमीले दुई लाख र तुलसीमेहर मेमोरियल स्कुलले एक लाख ५५ हजार रुपैयाँ सहयोग गरेका हुन्।
हेटौँडा स्कुल अफ म्यानेजमेन्टका तर्फबाट १५ लाख र त्यहाँका प्राध्यापक तथा कर्मचारीका तर्फबाट पाँच लाख गरी रु २० लाख रुपैयाँ प्रधानमन्त्री दैवी प्रकोप उद्धार कोषमा जम्मा गरिएको छ।
नवोदय शिशु सदनका तर्फबाट पाँच लाख तथा शिक्षक र कर्मचारीका तर्फबाट एक लाख ५० हजार गरी छ लाख ५० हजार रुपैयाँ उक्त कोषमा जम्मा गरिएको हो ।
