काठमाडौँ। प्रजातान्त्रिक गणतन्त्र कङ्गो (डीआर कङ्गो) ले फिफा विश्वकप २०२६ को समूह चरणको अन्तिम खेलमा उज्वेकिस्तानमाथि ३–१ को पुनरागमन जित निकाल्दै ऐतिहासिक रूपमा नकआउट चरणमा प्रवेश गरेको छ।
सुरुमै गोल खाएर पछि परेको अवस्थालाई उल्टाउँदै कंगोले अन्तिम समयमा कमब्याक गर्दै ३–१ गोलअन्तरको जित निकालेको हो ।
खेलको पहिलो हाफमा उज्वेकिस्तानले १-०को अग्रता बनाएको थियो। दोस्रो हाफमा डीआर कंगोले पुनरागमन गर्यो। खेलको १० औं मिनेटमा उज्वेकिस्तानका एल्डोर सोमुरोडोभ बोल गर्दै अग्रता बनाएका थिए।
पहिलो हाफमा यही गोलको आधारमा उज्वेकिस्तानले अग्रता बनायो। खेलको दोस्रो हाफमा ६८ औं मिनेटमा कंगोले पेनाल्टीको मौका पायो। जसलाई योवान विसाले उज्वेकिस्तानको पोस्टमा सजिलै प्रहार गरिदिए। यही गोल मार्फत कंगोले उज्वेकिस्तानसँग बराबरी गर्यो।
खेलको ७८ औं मिनेटमा फिस्टन मायोलेले गोल गर्दै कंगोलाई २-१ अग्रतामा ल्याए। निर्धारित ९० मिनेटमा थप गरिएको इन्जुरी समयमा योवान विसा व्यक्तिगत दोस्रो र टिमको लागि तेस्रो गोल गरे। यही गोल नै निर्णायक सावित भयो। ४ अंकसहित डिआर कंगो तेस्रो स्थानमा रह्यो। यो समूहबाट कोलम्बिया, पोर्चुगल र डिआर कंगो नकआउट चरणमा प्रवेश गरेका छन्।
