काठमाडाैँ । सभामुख डोल प्रसाद (डीपी) अर्यालले टीकापुरमा आयोजित अन्तर-व्यवस्थापिका सम्मेलनको उद्घाटन गर्नुभएको छ। ेसंघीयता कार्यान्वयनको सन्दर्भमा संघीय संसद र प्रदेश सभाबीच समन्वय, सहकार्य तथा सहअस्तित्वलाई थप प्रभावकारी बनाउने उद्देश्यसहित उक्त सम्मेलन आयोजना गरिएको हो।
अन्तर-व्यवस्थापिका मञ्चद्वारा आयोजित यो सम्मेलन आइतबारसम्म सञ्चालन हुनेछ। सम्मेलनको व्यवस्थापन सुदूरपश्चिम प्रदेश सभा सचिवालयले गरेको हो।
सम्मेलनमा राष्ट्रिय सभाका सम्माननीय अध्यक्ष नारायण प्रसाद दाहाल, उपसभामुख रूबी कुमारी, उपाध्यक्ष लिला कुमारी भण्डारी, सातै प्रदेशका सभामुख तथा उपसभामुखहरू, साथै महासचिव र सचिवहरूको सहभागिता रहेको छ।
कार्यक्रममा संघीय र प्रदेश तहबीच समन्वयलाई सुदृढ गर्दै संघीय शासन प्रणालीलाई प्रभावकारी बनाउन विभिन्न छलफल तथा विचार-विमर्श हुने जनाइएको छ।
