काठमाडौं । नेपाली कांग्रेस केन्द्रीय कार्यसमितिको बैठक बहिस्कार गर्दै वरिष्ठ नेता रामचन्द्र पौडेल समुहले गुटको बैठक बोलाएको छ । पौडेल पक्षले सोमबार दिउँसो तीन बजे आफ्नो पक्षको बैठक बोलाएको हो ।
सोमबार विहान दुई पक्ष उपसभापति विमलेन्द्र निधि पूर्वमहामन्त्री प्रकाशमान सिंहको निवास चाक्सीबारी पुगेर वार्ता समितिबीच कुराकानी भएको थियो ।
‘कुराकानी सकारात्मक भए पनि टुंगोमा पुगेको छैन’, पौडेल समूहका एक नेता भन्छन्, ‘सहमतिका लागि प्रयास जारी राख्छौं तर एउटा निर्णयमा नपुगेसम्म केन्द्रीय समितिको बैठकमा सहभागी हुदैनौं ।’
१४ औं महाधिवेशनको कार्यतालिकालाई पहिलो एजेण्डा बनाउनुपर्ने माग गर्दै पौडेल समूहले बिहीबारबाट सुरु भएको केन्द्रीय समितिको बैठक बहिस्कार गर्दै आएको छ ।