खान युनिस। इजरायली आक्रमणका कारण संरचनाहको विनाशको सामना गाजामा गम्भीर इन्धन अभावका कारण गाजाको एक प्रमुख अस्पतालले धेरै सेवाहरू स्थगित गरेको जनाएको छ ।
दुई वर्षभन्दा लामो युद्धले तहसनहस पारेको मध्य गाजा क्षेत्रको अल–अवदा अस्पतालले करिब ६० जना बिरामीको हेरचाह गरिरहेको छ जहाँ प्रत्येक दिन करिब एक हजार मानिसहरू उपचारको खोजीमा पुग्ने गर्छन् ।
“जेनेरेटरका लागि आवश्यक पर्ने इन्धन अभावका कारण अधिकांश सेवा तत्कालका लागि बन्द गरिएको छ,” अस्पताल व्यवस्थापनमा संलग्न एक वरिष्ठ अधिकारी अहमद मेहन्नाले भन्नुभयो ।
उहाँले भननुभयो, “अस्पतालका प्रसूति वार्ड र बाल रोगलगायत आपतकालिन विभागहरू मात्र सञ्चालनमा छन् ।”यी सेवालाई निरन्तरता दिन अस्पतालले सानो जेनेरेटर भाडामा लिएर चलाएको उहाँले बताउनुभयो ।
सामान्य अवस्थामा अल–अवदा अस्पतालले प्रतिदिन एक हजारदेखि एक हजार २०० लिटर डिजेल खपत गर्दछ। तर, अहिले यसको झण्डै आधा इन्धन मात्र उपलब्ध हुने गरेको छ ।
“सेवाहरुको बन्द अस्थायी हो र ईन्धनको उपलब्धतासँग जोडिएको छ,” मेहन्नाले भन्नुभयो । लामो समयसम्म इन्धन अभावले ‘अस्पतालको आधारभूत सेवाहरू प्रदान गर्ने क्षमतामा प्रत्यक्ष खतरा निम्त्याउने’ उहाँले बताउनुभयो ।
उहाँले इन्धनको स्थिर आपूर्ति सुनिश्चित गर्न स्थानीय र अन्तर्राष्ट्रिय संस्थाहरूलाई द्रुत दबाव दिर्न आग्रह गर्नुभयो । अक्टोबर १० देखि सुरु भएको युद्धविरामको बाबजुद गाजा पट्टी गम्भीर मानवीय संकटमा फसेको छ।
संयुक्त राष्ट्रसङ्घ र गैरसरकारी संस्थाहरूका अनुसार युद्धविराम सम्झौताले गाजामा प्रति दिन ६०० सहायता ट्रकहरू प्रवेश गर्ने उल्लेख गरे पनि हाल मानवीय सहायता बोकेका १०० देखि ३०० ट्रक मात्र प्रवेश गर्न सक्छन् ।
बाँकी सवारी साधनले गाजाका २२ लाख मानिसहरूमध्ये धेरैको पहुँचमा नभएका मुख्यतया व्यावसायिक सामानहरू ओसारपसार गर्छन् । (रासस/एएफपी)
