काठमाडौँ । इंग्लिस प्रिमियर लिग फुटबल अन्तर्गत शीर्षस्थानको आर्सनलले हार ब्यहोरेको छ ।
भर्खरै सम्पन्न खेलमा आर्सनल एस्टन भिल्लासँग २–१ गोलले पराजित भएको हो । अन्तिम समयमा गोल खाँदा आर्सनलले हार ब्यहोर्नुपर्यो ।
खेलको ३६ औं मिनेटमा म्याटी क्यासले गोल गर्दै घरेलु टोलि भिल्लालाई सुरुवाती अग्रता दिलाएका थिए । ५२ औं मिनेटमा लियान्ड्रो ट्रोसार्डले गोल गर्दै आर्सनललाई १–१ को अवस्थामा ल्याए ।
खेलमा दबाब राखेपनि आर्सनलले गोल गर्न सकिराखेको थिएन । तर, अन्तिम समयमा एक मिनेट पनि बाँकि नरहेको अवस्थामा आर्सनलले गोल खान पुग्यो । भिल्लाका एमी बुएन्डाले गोल गर्दै घरेलु टोलिलाई २–१ को जित दिलाए ।
यो नतिजापछि शीर्षस्थानको आर्सनलको १५ खेलबाट ३३ अंक छ भने भिल्ला ३० अंक जोड्दै दोस्रो स्थानमा उक्लिएको छ ।
