काठमाडौं ।पूर्वप्रधानमन्त्री एवं नेकपा (माओवादी केन्द्र) का पूर्वअध्यक्ष एव संयोजक पुष्पकमल दाहालले नेताहरुलाई बचाएको नेपाली सेनाले सिंहदरबार र सर्वोच्च अदालत किन बताउन सकेन ? भन्दै प्रश्न गर्नुभएको छ ।
शुक्रवार सम्पादकहरुसँगको संवादका क्रममा उहाँले यस्तो प्रश्न गर्नुभएको हो । उहाँले आफूहरु सुरक्षा खोज्दै सेनाकोमा पुगेको र सेनाले बँचएको बताउनु भयो । त्यहाँबाट देशका लागि आफूले खेल्नसक्ने भुमिका खेलको बताउनु भयो । नेपालमा धेरै ठूलो क्षति भएको छ भने त्यो भूराजनीतिकै कारण भएको र नेपाल बँचेको पनि भूराजनीतिकै कारण रहेको उल्लेख गर्नुभयो । उहाँले आफूहरुलाई सेनाले, जनताले, कार्यकताले कसले बँचाएको हो भनेर हेर्दा मुख्यतः सेनाले नै देखिएको बताउनु भयो । उहाँले नेताहरु बँचाउनसक्ने सेनाले सिंहदरबार र सर्वोच्च अदालत किन बँचाएन भन्नेकुरा गम्भीर रहेको बताउनु भयो ।
उहाँले भन्नुभयो, ‘हामी सेक्युरिटी खोज्दै सेनाकोमा गइयो । हामीलाई खोज्दै सेना आएको होइन । गएपछि जे भयो यो परिस्थितिमा त्यहाँबाट खेल्नसक्ने भुमिकाको कोशिस गरियो । त्यो वातावरण बन्यो तर हाम्रै कारणले यो बच्यो भन्नेकुरा भनेँ भने गलत हुन्छ । त्यो होइन । हामी धेरै ठूलो क्षति भएको छ भने भूराजनीतिका कारणले भएको छ, हामी बँचेका छौँ भनेपनि भूराजनीतिका कारण बँचेका छौँ । हामी बँचियो कसरी भन्नेकुराको पनि जवाफ छैन । हामीलाई सेनाले बँचाएको हो की, जनताले हो की, हाम्रा पार्टीका साथीहरुले बँचाएको हो की ? अल्टिमेट्ली हेर्दा त सेनाले बँचायो । हामीलाई बँचाउने सेनाले सिंहदरबार, राष्ट्रपति भवन, सर्वोच्च अदालत किन बचाउन सकेन ? भनेर हेर्दा बढो अनौठा चित्र अनुभुति हुन्छ । ’
पूर्वप्रधानमन्त्री दाहालले अहिले देश संकटमा रहेको बताउनु भयो । २३ गते जेन जी युवाहरुको योगदान प्रशंसायोग्य रहेको बताउनु भयो । गत भदौ २३ गतेको जेन जी आन्दोलन आन्तरिकमुखी भएको र २४ गतेको आन्दोलन भने वाह्यमुखी भएको दाबी गर्नुभयो । —न्युज एजेन्सी नेपाल
तस्बिरः हरिराम भेटुवालरासस
