काठमाडौं । दार्चुलामा पहिरोले घर पुरिँदा दुई जना बेपत्ता भएका छन् । जिल्लाको दहुँ गाउँपालिका–३, सल्लीमा पहिरोले घर पुरिँदा घरमा रहेका ५० वर्षीय रामदत्त जोशी र उनकी ४५ वर्षीया पत्नी इन्द्रा पुरिएका छन् ।
जिल्ला प्रहरी कार्यालय, दार्चुलाका प्रमुख डीएसपी पदमबहादुर विष्टका अनुसार जोशी दम्पती पहिरो जाँदा जाँदै भाग्न खोज्दा पनि यद्यपि, जोगिन नसकेको र २१ वर्षीय छोरा सुनिल भने भागेर जोगिएका छन् ।
बेपत्ता जोशी दम्पतीको खोजीमा ५ बजेदेखि प्रहरी परिचालित भएको विष्टले बताए ।
