काठमाडौं । पार्टीको आन्तरिक विवादले नयाँ मोड लिएको समयमा प्रधानमन्त्री तथा नेकपा अध्यक्ष केपी शर्मा ओली पार्टी उपाध्यक्ष बामदेव गौतम निवास ललितपुरकाे भैंसेपाटी पुग्नुभएको छ ।
साँझ पौने आठ बजे गौतम निवास पुग्नुभएका ओलीले मंगलबार दिउँसो बालुवाटारमा नै भएको केही स्थायी समितिका सदस्यहरुको छलफल र बामदेव गौतमले अगाडी सारेको ६ बुँदे प्रस्तावका बारेमा छलफल गर्नुभएको छ ।
पार्टीको विवाद बढ्दै गएपछि खासै बालुवाटारबाट बाहिर ननिस्कनु भएका प्रधानमन्त्री ओली नेता गौतमले सार्वजनिक गरेको ६ बुँदे प्रस्ताव पनि उहाँसँग छलफल गर्न गौतम निवास भैंसेपाटी पुग्नु भएको हो ।
पत्नी राधीका शाक्य सहित पुग्नु भएका प्रधानमन्त्री ओलीसँग नेता गौतम र महासचिव पौडेलबीच छलफल भएको छ ।
बामदेव गौतमले आफूलाइ खुल्ला रुपमा साथ दिएपछि उत्साहित बन्नु भएका प्रधानमन्त्री ओलीले आफ्ना चर्को आलोचक पूर्व एमाले र पूर्व माओवादीका अधिकांश नेताहरुसँग एक्लाएक्लै सम्बाद गर्नुभएपछि पार्टीभित्र उहाँ बलियो हुँदै जानु भएको छ ।
