काठमाडौं । पशुपति क्षेत्रको विकासका लागि भन्दै छलफलमा रहेको बृहत गुरुयोजनालाई लिएर स्थायीन बासिन्दाले बिरोध गरिरहेका बेला संस्कृतिमन्त्री योगेश भट्टराईले व्यक्तिगत र व्यापारिक स्वार्थमा पशुपति क्षेत्रमाथि भइरहेको मानव अतिक्रमणलाई भने स्वीकार गर्न नसकिने बताउनु भएको छ ।
सामाजिक सञ्जाल ट्वीटरमा मन्त्री भट्टराईले सरकारले सबैसँग छलफल गरेर सहमति बनाउने पनि स्पष्ट पार्नुभएको छ ।
उहाँले पशुपति क्षेत्रको ऐतिहासिक, सांस्कृतिक तथा पुरातात्विक पक्षको संरक्षण र सम्बर्द्धन गरिने उल्लेख गर्दै स्थानीय जात्रा र पर्वको जगेर्ना गरिने प्रतिबद्धता समेत जनाउनु भएको छ ।
पशुपति क्षेत्र विकास काेषले पशुपतिनाथ क्षेत्रकाे गुरूयाेजना अघि सारेपछि स्थानीयबासीले विराेध गर्न थालेका छन् ।
