काठमाडौँ । नेपाल कम्युनिस्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल ‘प्रचण्ड’ बीच छलफल शुरु भएको छ । सोमबार प्रधानमन्त्री सरकारी निवास बालुवाटारमा जारि छलफलमा सचिवालय सदस्य झलनाथ खनाल र स्थायी कमिटी सदस्य सुवास नेम्वाङलाई साथमा राखिएको छ ।
हिजो भएकै वर्ताको निरन्तरता आजको वार्ता रहेको बालुवाटार स्रोतले जनाएको छ । हिजो भएको वार्तामा पनि दुवैजना अध्यक्ष आ–आफ्नो अडानमा अडिग भए पनि वार्तालाई निरन्तरता दिनेमा दुवैजनामा सहमति भए अनुसार छलफल भइरहेको छ ।
प्रधानमन्त्री र पार्टीको अध्यक्ष दुवै पदबाट ओलीले राजीनामा दिनुपर्छ भने कुरा स्थायी कमिटी बैठकमा उठेपछि पार्टीमा विवाद उत्पन्न भएको छ । अध्यक्ष ओलीले आफू कुनै पनि हालतमा राजीनामा नदिने बरु महाधिवेशन गरेर महाधिवेशनबाट नेतृत्व चयन गरौँ भन्ने प्रस्ताव गरेका छन् ।
हिजोको छलफलमा पनि दुवै अध्यक्ष विगतको भन्दा शान्त थिए आआफ्नो कुरा शान्तपूर्वक राखेका थिए ।
