भरतपुर । चितवनको भरतपुर अस्पतालवाट भागेका कोरोना संक्रमित नुवाकोटमा पक्राउ परेका छन् । चोरीको आरोपमा पक्राउ परेका १९ वर्षीय संक्रमित बुधबार विहान नुवाकोट बेलकोटगढी(५ मा पक्राउ परेका हुन् ।
नेपाल प्रहरीको चेकिङका क्रममा उनी साइकलमा जाँदै गर्दा पक्राउ परेका हुन् । उनलाई नुवाकोटमा नै आइसोलेसनमा राख्न समन्वय भइरहको जिल्ला प्रहरी कार्यालय चितवनका प्रहरी प्रवक्ता सूर्य थापाले जानकारी दिए ।
उनी मंगलबार बिहान त्यहाँबाट भागेका थिए ।
