काठमाडौँ। मनमैजुस्थित एन्जल्स हार्ट नेसनल स्कुलले आफ्नो वार्षिक खेलकुद दिवसका अवसरमा खेलाडी र खेलकर्मीलाई शनिबार सम्मान गरेको छ ।
नेपाल भारोत्तोलन संघका अध्यक्ष रामकृष्ण श्रेष्ठ, नेपाल कराते महासंघका वरिष्ठ उपाध्यक्ष एवं वादोरियो करातेका प्रमुख प्रशिक्षक हरिशरण केसी र करातेका प्रशिक्षक एवं निर्णायक महेश महर्जनलाई सम्मान गरिएको हो ।
सोही अवसरमा गत जनवरीमा अस्ट्रेलियामा भएको गोल्ड कोस्ट अन्तर्राष्ट्रिय फुटसल प्रतियोगितामा सहभागी एन्ज्लस हार्ट स्कुलका आर्यन बस्नेत, दिनेश जुग्जाली, आविस्कार रोका, स्वस्तिक न्यौपाने, इभान छन्त्याल र लुकास अधिकारी तथा अफिसियल टकबहादुर थापा र सुमन तिमल्सिनालाई पनि सम्मान गरिएको थियो ।
