युनाइटेड अरब इमिरेट्समा जारी आइपिएलकाे दाेस्राे खेल निकै राेमाञ्चक बन्याे । पहिलाे निर्धारित २० ओभरकाे खेलमा दुबै टिमले बराबर अर्थात १५७ रन बनाए पछि खेल सुपर ओभरमा पुगेकाे थियाे ।
जिततर्फ अगाडि बढेकाे किङ्स इलेभेन पन्जाबलाइ दिल्ली क्यापिटल्सले राेमाञ्चक रूपमा बराबरीमा राेकेकाे थियाे । दुबै टिमकाे प्रारम्भिक ब्याटिङ कमजाेर भए पनि मध्यक्रमका ब्याट्सम्यानले प्रभावशाली खेल प्रदर्शन गरेका थिए ।
किङ्स इलेभेन पन्जाबले टस जितेर पहिले फिल्डिङ राेजेकाे थियाे । दिल्लीकाे शुरूवात निकै खराब रह्याे । उसले ९६ रन बनाउँदै ६ विकेट गुमाइसकेकाे थियाे । तर अन्तमा मार्कस एस्टाेनिसले २१ बलमा ५३ रनकाे धुँवाधार पाली खेलेपछि दिल्लीले निर्धारित २० ओभरमा ८ विकेट गुमाएर १५७ रनकाे मध्यम स्काेर खडा गरेकाे थियाे ।
जितका लागि १५८ रनकाे लक्ष लिएर मैदानमा उत्रेकाे किङ्स इलेभेनकाे पनि सुरूवात खराब रह्याे । तर मयंक अग्रवालकाे धुँवाधार ब्याटिङका अघिल्तिर दिल्लीकाे केही सीप चलेन । मयंकले ६० बल खेल्दै ८९ रन बनाए । उनले ४ छक्का ७ छक्का प्रहार गरेका थिए । उनी १९.५ औ ओभरमा स्टाेइनिसकाे बलमा क्याचआउट भए ।
तर त्यसपछि ब्याटिङ गर्न मैदानमा प्रवेश गरेका क्रिस जाेर्डन पनि एक रन पनि बनाउन नसकी आउट भए । समग्रमा किङ्सले १५७ रन नै बनाएपछि सुपर ओभर खेलाइएकाे थियाे ।
आजकाे खेलमा दिल्लीले नेपाली लेगस्पिनर सन्दीप लामिछानेलाई खेलाएकाे थिएन ।
सुपर ओभर
सुपर ओभरमा किङ्स इलेभेन पन्जाबले पहिले ब्याटिङ गरेर २ रन मात्र बनायाे । दिल्ली क्यापिटल्सले ४ रन बनाएर जित हात पार्याे ।
