काठमाडौं । राष्ट्रिय स्वतन्त्र पार्टीका नेताहरु काठमाडौंस्थित भारतीय दूतावासमा पुगेर दिवंगत पूर्वप्रधानमन्त्री मनमोहन सिंहप्रति श्रद्धाञ्जली अर्पण गरेका छन् ।
रास्वपाका नेताहरु सामूहिक रुपमा लैनचौरस्थित भारतीय दूतावासमा पुगेर त्यहाँ राखिएको श्रद्धाञ्जली पुस्तिकमा समवेदना व्यक्त गरेका हुन् ।
कार्यवाहक सभापति डोलप्रसाद अर्याल, अन्तर्राष्ट्रिय सम्बन्ध विभाग प्रमुख शिशिर खनाल र कानुन तथा न्याय विभाग प्रमुख सोबिता गौतमले दिवंगत पूर्वप्रधानमन्त्री सिंहप्रति श्रद्धाञ्जली अर्पण गरेका हुन् ।
