एजेन्सी । अन्तर्राष्ट्रिय क्रिकेट काउन्सिल (आईसीसी) ले अमेरिकाको राष्ट्रिय क्रिकेट लिग (एनएलसी) लाई प्रतिबन्ध लगाएको छ । आईसीसीले युनाइटेड स्टेट्स अफ अमेरिका क्रिकेट (युएसएसी) लाई पत्र लेखेर लिगको भावी संस्करणलाई स्वीकृति नदिने निर्णय गरेको जानकारी गराएको छ ।
लिगमा प्लेइङ इलेभेनको नियम पालना नगरिएको पत्रमा लेखिएको छ । यस टी–१० फर्म्याट प्रतियोगितामा ६–७ विदेशी खेलाडी खेलेका थिए ।
एनसीएलको पहिलो सिजन अक्टोबर ४ देखि १४ सम्म भएको थियो । रोबिन उथप्पाको कप्तानीमा रहेको शिकागो सीसीले एट्लान्टा किंग्सलाई ४३ रनले पराजित गर्दै उपाधि जितेको थियो ।
कुन नियम उल्लङ्घन गरियो ?
–आईसीसीको नियम अनुसार लिगमा खेल्ने प्रत्येक टोलीको प्लेइङ इलेभेनमा कम्तिमा ७ जना अमेरिकी खेलाडी हुनुपर्ने भए पनि धेरै खेलमा ६–७ जना विदेशी खेलाडीलाई उतारिएको थियो ।
– खेलहरूमा ड्रप–इन पिचहरू प्रयोग गरियो, जुन धेरै खराब थियो । पिच यति खराब थियो कि वाहब रियाज र टिमल मिल्सले ब्याट्सम्यानलाई चोट नपरोस् भनेर स्पिन बलिङ गर्नुपर्यो ।
–लिगका अधिकारीहरूले विदेशी खेलाडीहरूलाई मौका दिन अमेरिकी अध्यागमन नियमहरू पनि तोडे । अमेरिकामा खेलकुद श्रेणीको भिसाका लागि ६ टोलीका लागि कम्तीमा २ लाख अमेरिकी डलर खर्च लाग्छ । धेरै खेलाडी पैसा जोगाउन खेलकुद भिसामा गएका थिएनन् ।
