काठमाडौं । सहकारी ठगीको आरोपमा पक्राउ परेका गोर्खा मिडियाका तत्कालीन प्रबन्ध निर्देशकसमेत रहेका राष्ट्रिय स्वतन्त्र पार्टीका सभापति रवि लामिछानेसँग आज काठमाडौंमा बयान लिइने भएको छ ।
कास्की प्रहरीको हिरासतमा रहेका लामिछानेलाई हिजो साँझ पोखराबाट काठमाडौं ल्याइएको हो । कालिमाटीस्थित स्वर्णलक्ष्मी सहकारीको रकम अपचलनविरुद्ध पक्राउ पूर्जी जारी भएको थियो । स्वर्णलक्ष्मी सहकारीको रकम अपचलनबारे लामिछानेसँग बयान लिन लागिएको हो ।
लामिछाने पोखराको सूर्यदर्शन सहकारी ठगी प्रकरणमा रवि गत कात्तिक २ गतेदेखि प्रहरी हिरासतमा छन् ।
यो बीचमा उनलाई रुपेन्देहीपनि बयानको लागि लगिएको थियो । उनलाई बयानको लागि आज कास्कीबाट काठमाडौं ल्याईएको हो । उनलाई प्रहरीले जहाजमार्फत काठमाडौं ल्याएको हो । काठमाडौंको आन्तरिक विमानस्थलमा रवि ल्याईँदा उनका समर्थकहरुले प्लेकार्डसहित रविको रिहाईको माग गर्दै नाराबाजी गरेका थिए । उनलाई काठमाडौं झरेलगत्तै प्रहरीले आफ्नै भ्यानमा राखेर विमानस्थल बाहिरि निकालेको थियो ।
