काठमाडौँ । मेडिकल व्यवसायी दुर्गा प्रसाईंलाई एक लाख धरौटी रकम लिएर छोड्न अदालतले आदेश दिएको छ ।
जिल्ला अदालत काठमाडौँका न्यायाधीश ठाकुरप्रसाद खरेलको इजलासले प्रसाईंलाई दुईवटा मुद्दामा ५०–५० हजार धरौटी लिन आदेश गरेको हो ।
प्रसाईंविरुद्ध नेपाल प्रहरीको साइबर ब्युरोमा उजुरी परेको थियो । ब्युरोको टोलीले प्रसाईंलाई असोज ६ गते भक्तपुरस्थित उनकै घरबाट पक्राउ गरेको थियो ।
सरकारी वकिल कार्यालय काठमाडौँले उनीविरुद्ध विद्युतीय अपराध सम्बन्धी दुईवटा मुद्दा दायर गरेको थियो ।
प्रसाईंमाथि विभिन्न सामाजिक सञ्जालहरूमार्फत व्यक्तिको चरित्र हत्या गर्ने गरी अभिव्यक्ति दिएको आरोप छ ।
