काठमाडौँ । समाजसेवी तथा पर्यटनविज्ञ अभिषेक विक्रम शाह हिमालयन युवा उद्यमी सम्मान २०८० बाट सम्मानित हुनु भएको छ ।
काठमाडौँमा आयोजित एक कार्यक्रममा रक्षामन्त्री हरिप्रसाद उप्रेतीले शाहलाई सम्मान गर्नुभयो ।
समाजसेवा तथा पर्यटन व्यवसायमार्फत शाहले मुलुकमा पुऱ्याउनु भएको योगदान अतुलनिय भएको भन्दै सम्मान गरिएको विमेन्स एरा एण्ड मिडिया ग्रुप नेपालले जनाएको छ ।
सम्मानमा भनिएको छ – ‘समाजसेवा तथा पर्यटन व्यवसायमार्फत यहाँले मुलुकमा पुऱ्याउनु भएको योगदान अतुलनिय छ । समाजका विभिन्न क्षेत्रमा आर्थिक र भौतिक रुपमा यहाँले विशेष सहयोग पुयाउँदै आउनुभएको छ । यस क्षेत्रमा मन वचन र कर्मले आजसम्म पुऱ्याउँदै आउनुभएको अवदानको हामी मुग्धकण्ठले प्रशंसा गर्दछौ । यहाँको सृजनशील सामाजिक एवम् व्यवसायीक कार्य अझ ऊर्जाशील र प्रेरणादायक बनोस् भन्ने कामनाका साथ समग्रमा यहाँको व्यक्तित्वको उच्च मूल्याङ्कन गर्दै चौथो हिमालयन इन्टरनेशनल अवार्डको यो विशेष समारोहमा श्रद्धा ‘हिमालयन युवा उद्यमी सम्मान (२०८०) ले सुशोभित गर्दछौं । आगामी दिनमा यस क्षेत्रमा यहाँको अझ बढी सक्रियता रहोस् भन्ने कामना गर्दछौं ।’
