काठमाडौं । नेनिर्वाचन आयोगले नेकपा विवादबारे कुनै निर्णय नलिदा दाहाल-नेपाल समूह फेरि जाने भएको छ । बुधबार दाहाल-नेपाल समुहका केन्द्रीय सदस्यहरुको तीनपानेमा हस्ताक्षर संकलन गर्दै बिहीवार हस्ताक्षर पत्र, नागरिकताको प्रतिलिपि र पार्टी परिचयपत्र संकलन लिएरआयोगमा जान लागेको हुन् ।
गत २० माघमा पनि वैधानिकता दाबीपत्र बुझाएको दाहाल-नेपाल समूहलाई आयोगले कुनै निर्णय गरेको छैन । तर, ११ माघमा पार्टी विभाजनलाई मान्यता नदिने बाहेक थप निर्णय आयोगले नगरेपछि प्रचण्ड–माधव समूह असन्तुष्ट छ । अध्यक्षद्वय पुष्पकमल दाहाल प्रचण्ड र माधवकुमार नेपालसहित राजधानीमा उपलब्ध केन्द्रीय सदस्य र सांसदहरु आयोगमा जाने तयारी भएको हो ।
प्रधानमन्त्री केपी शर्मा ओलीले संसद् विघटन गरेपछि नेकपा व्यावहारिक र राजनैतिक रुपमा विभाजित भएको छ । तर, आयोगले भने ५ पुसभन्दा पछाडि गरिएको दाबीलाई मान्यता नदिने निर्णय गरेको छ ।
