काठमाडौं । राष्ट्रिय भावको गीत ‘वुद्ध तिम्रो देशमा‘’ को म्युजिक भिडियो सार्वजनिक भएको छ । साहित्यकार तथा गीतकार डा। शम्भु जमरकट्टेल ‘हेदाङ्ने’ को रचनामा तयार भएको गीतमा स्वरूपराज आचार्य तथा प्रेक्षा गौतमको स्वर रहेको छ ।
गीतलाई गायिका गौतमले नै संगीत गर्नुभएको छ भने अमूल कार्कीले संगीत संयोजक गर्नुभएको छ । गीतको म्यूजिक भिडियोलाई कृष्ण देव रुपाखेतीले निर्देशन गर्नुभएको छ भिडियोमा दिक्पाल कार्की तथा दीपिका थापा मुख्य भूमिकामा रहेका छन् ।
मुकेश हुमागाईको छायांकन, विनोद बमको सम्पादन रहेको भिडियोमा राहुल बराईलीको कोरियोग्राफी रहको छ ।
