• ११ फाल्गुन २०८०, शुक्रबार
  •      Fri Feb 23 2024
  •   Unicode
Logo
Latest
★   लुक्ला जाँदै गरेको एयर डाइनेष्टीको हेलिकोप्टरमा प्राविधिक समस्या, बाटोबाटै फर्काइयो ★   तीन वर्षदेखि अलपत्र पुस्तकालयको काम थालियो ★   आइतबारदेखि देशभर दादुराविरुद्ध खोप अभियान, काठमाडौँका छ लाख बालबालिका समेटिँदै ★   प्रतिनिधिसभाको बैठक आज पनि बस्दै, एमाले झन् आक्रामक बन्ने ★   नागरिक उड्डयन प्राधिकरणले माग्यो कर्मचारी, कुन–कुन पदमा खुल्यो जागिर ? ★   जग्गा प्राप्तिका लागि काभ्रेका तीन हजार भूमिहीनको आवेदन ★   देशका लागि ५० गोल पूरा गरेपछि के भन्छिन् ‘साम्बा’ ? ★   तीन वर्षअघि सन्यास लिएका टोनी क्रुस जर्मन टोलीमा फर्किए ★   चन्द्रागिरि डाँडामा हिउँ -फोटो फिचर ★   विश्वकप लिग–२ः नामिबिया र नेदरल्याण्ड्स भिड्दै

चीनलाई अलग गरेर विश्वको आधुनिक व्यवस्थाको कल्पना गर्न सकिदैन: सभामुख घिमिरे



काठमाडौं । सभामुख देवराज घिमिरेले नेपालले पनि समृद्धिको युगतर्फ अगाडि बढिरहेको अवस्थामा चीनको बलियो साथको अपेक्षा गरेको बताउनु भएको छ ।

चिनियाँ नयाँ वर्षका अवसरमा काठमाडौँमा आयोजित एक कार्यक्रमलाई सम्बोधन गर्दे सभामुख घिमिरेले यस्तो अपेक्षा गर्नुभएको हो । सभामुख घिमिरेले नेपाल चीनबीचको द्विपक्षीय सम्बन्ध सन् १९५५ अगष्ट १ तारिखमा स्थापना भएको स्मरण गर्नुभयो ।

उहँँले भन्नुभयो हिमाल र नदी तथा धर्म र सँस्कृतिले जोडिएका चीन र नेपालबीचको प्रागैतिहासिक कालदेखि नै सुमधुर सम्बन्ध रहँदै आएको भन्दै यो ऐतिहासिक सम्बन्धले नेपाल र चीनबीच पछिल्ला वर्षहरुमा आर्थिक, व्यापारिक, राजनीतिक, सामाजिक, धार्मिक आदानप्रदानको विकासमा समेत उल्लेखनीय उपलब्धि हासिँल हुँदै आएको छ।

उहाँले नेपाल र चीनबीचको हिमाल र नदीले जोडेको सम्बन्ध हिउँ र नदीजस्तै पवित्र र हिमालजस्तै विशाल र अटल रहेको पनि बताउनु भयो ।
उहाँल सन् २०१९ मा २३ वर्षपछि चिनियाँ राष्ट्राध्यक्ष सी चिनफिङले नेपालको ऐतिहासिक भ्रमण गर्नु भएको र उक्त भ्रमणले दुई देशबीचको सम्बन्धलाई नयाँ उचाइमा लगेको र सोही वर्ष नेपालका तत्कालीन राष्ट्रपति विद्यादेवी भण्डारीले चीनको भ्रमण गर्नु भएको भन्दै यस्ता भ्रमणले दुई देशबीचको सम्बन्ध नयाँ युगमा प्रवेश गरेको बताउनु भयो ।

सभामुख घिमिरेले चीनको राष्ट्रिय जनकङ्ग्रेस स्थायी समितिका अध्यक्ष ली चान्सुले डेढ वर्ष अगाडि गर्नु भएको नेपाल भ्रमण र नेपालका तत्कालीन सभामुख अग्निप्रसाद सापकोटा तथा राष्ट्रियसभाका अध्यक्ष गणेशप्रसाद तिमिल्सिनाले गर्नु भएको भ्रमणको अन्तरसम्सदीय सहकार्य सम्बन्धी समझदारीले दुवै देशबीचको सम्बन्धलाई थप उचाइमा लगेको पनि बताउनु भयो ।

चीन विश्वको आर्थिक शक्ति रहेको भन्दै चीनलाई अलग गरेर विश्वको आधुनिक व्यवस्थाको कल्पना गर्न नसिकिने कुरामा सभामुख घिमिरेले जोड दिनु भयो । चीन पूर्ण रुपमा राजनीतिक स्थायित्व र अनुशासित नागरिक बस्ने मलुकका रुपमा विश्वभर परिचित भएको पनि उहाँले बताउनु भएको थियो ।

नेपालले एक चीनको सिद्धान्तलाई सदैव पालना गरेको बताउँदै नेपालको भूमि प्रयोग गरेर चीन बिरोधी गतिबिधि हुन नदिन नेपाल सचेत रहेको कुरामा उहाँले जोड दिनुभयो । उहाँले ‘अँध्यारोलाई सराप्नुभन्दा मैनबत्ती बाल्नु राम्रो’ भन्ने चिनियाँ भनाइलाई उल्लेख गर्दै नेपालले पनि समृद्धिको युगतर्फ अगाडि बढिरहेको अवस्थामा चीनको बलियो साथको अपेक्षा गरेको पनि बताउनु भयो  ।

चिनियाँ राजदूताबास तथा आन्हुई प्रान्तीय सँस्कृति तथा पर्यटन विभागले ‘चिनियाँ नयाँ वर्ष तथा नेपालमा सुन्दर आन्हुई’ विषयमा काठमाडौँमा कार्यक्रम आयोजना गरेको हो।