काठमाडौं । ‘रश्मिलाज फेसियल हाउस एण्ड ब्यूटी केयर’ले तेस्रो शाखा पनि सञ्चालनमा ल्याएको छ । रश्मिलाज फेसियल हाउसले (हिजो) बिहीबारदेखि बालाजुस्थित बुद्ध मलमा नयाँ शाखा उद्घाटन गरेको हो । रश्मिलाज फेसियल हाउसको सुन्धारास्थित काठमाडौं मल र गोंगबुस्थित बीजी मलमा अलगअलग शाखा छन् ।
उक्त शाखा उद्घाटन गर्न रिपोर्टर्स क्लब नेपालका अध्यक्ष ऋषि धमला, सञ्चारकर्मी दिनेश डीसी र नायिका अनु शाहले संयुक्त रूपमा उपस्थित रहेका थिए । उद्घाटन कार्यक्रममा अन्य थुप्रै कलाकार, व्यवसायी, सञ्चारकर्मीलगायतको पनि उपस्थिति थियो ।
कार्यक्रममा ‘रश्मिलाज फेसियल हाउस एण्ड ब्युटी केयर’की सञ्चालिका श्रेष्ठले उपभोक्ताहरूको मागअनुसार तेस्रो शाखा खोलिएको जानकारी दिइन् । बुद्ध मलस्थित शाखाको जिम्मेवारी निक्की प्रधानलाई दिइएको उनले बताइन् ।
