अहमदाबादः इङ्ल्यान्ड विरुद्धको पहिलो टी२० क्रिकेटमा भारत ८ विकेटले पराजित भएको छ ।
टस हारेर पहिले ब्याटिङको निम्तो पाएको घरेलु टोली भारतले २० ओभरमा ७ विकेट गुमाउँदै १२४ रन मात्र बनाएको थियो ।
भारतीय खेलाडीहरु शिखर धवन ४, केएल राहुल १ तथा कप्तान विराट कोहली (०) रनमा आउट भएका थिए । विकेट किपर ब्याट्सम्यान रिषभ पन्तले २१, श्रेयस ऐयरले सर्वाधिक ६७ तथा हार्दिक पान्ड्याले १९ रनको योगदान दिएका थिए ।
त्यस्तै शार्दुल ठाकुर, वासिङटन सुन्दर र अक्षर पटेलले पनि दोहोरो अंक बनाउन सकेका थिएनन् ।
जितका लागि भारतले दिएको १२५ रनको लक्ष्य इङ्ल्यान्डले १५.३ ओभरमा २ विकेट गुमाएर पूरा गरेको थियो । इङ्ल्यान्डका लागि जेसन रोयले ४९, जस बट्लरले २८ र डाविड मलानले २४ र जोनी बेयरस्टोले २६ रन बनाएका थिए ।
यी दुईबीच अहमदाबादमै पाँच वटा टी२० खेल हुँदैछन् ।
