एजेन्सी । साउथ अभिनेता विजय देवरकोन्डाले अभिनेत्री रश्मिका मन्दनासँगको इन्गेजमेन्टको खबरलाई अफवाह भनेका छन् । उनले आफूले तत्काल इन्गेजमेन्ट र बिहे नगर्ने पनि बताएका छन् ।
केही दिनदेखि तेलुगु सुपरस्टार विजय र रश्मिकाको इन्गेजमेन्टको हल्ला चलेको थियो । खबर अनुसार विजय र रश्मिकाले फेब्रुअरीको दोस्रो साता इन्गेजमेन्ट गर्न सक्ने बताइएको थियो । यस्तो अवस्थामा विजयले अहिले यी अफवाहहरूलाई पूर्ण रूपमा अस्वीकार गरेका छन् ।
लाइफस्टाइल एशियासँग कुरा गर्दै उनले भने–‘फेब्रुअरीमा मेरो इन्गेजमेन्ट वा बिहे हुनेवाला छैन । मिडियावासीले मलाई हरेक दुई वर्षमा बिहे गरून् जस्तो लाग्छ । हरेक वर्ष यस्तो हल्ला सुन्छु । उनीहरु मलाई पक्रन र बिहे गराउनको लागि मात्रै घुमिरहेका छन् ।
सन् २०१८ मा रिलिज भएको फिल्म ‘गीता गोविन्दम’ मा विजय र रश्मिका सँगै देखिएका थिए । त्यसपछि सन् २०१९ मा रिलिज भएको फिल्म ‘डियर कम्रेड’ मा पनि दुवै एकसाथ देखिएका थिए । यस फिल्ममा विजय रश्मिकाको अनस्क्रिन केमेस्ट्रीलाई निकै मन पराइएको थियो । फिल्मको सेटबाट दुवै रिलेसनसिपमा रहेको खबर आए पनि दुवै कलाकारले यसबारे खुलेर कुरा गरेका छैनन् ।
