एजेन्सी । आज बलिउड दिवंगत अभिनेता सुशान्त सिंह राजपुतको ३८ औँ जन्मजयन्ती हो । ३४ वर्षको उमेरमा उनले संसारलाई बिदा दिए । तर, उनको मृत्यु अझै रहस्यमय नै छ ।
कतिपयले उनको हत्या भएको बताएका छन् भने कतिपयले उनी लामो समयदेखि डिप्रेसनमा रहेकाले आत्महत्या गरेको बताएका छन् ।
२१ जनवरी १९८६ मा कृष्णकुमार सिंह र उषा सिंहको घरमा छोराको जन्म भयो । उनको नाम गुलशन थियो, जसलाई पछि विश्वले सुशान्त सिंह राजपूतको नामले चिन्यो ।
चार दिदीबहिनीमा सुशान्त एक्लो भाइ थिए, त्यसैले सबै दिदीबहिनीको प्यारो थिए । जब उनी १६ वर्षको थिए, उनकी आमाको ब्रेन हेमरेजका कारण मृत्यु भयो । यसअघि उनकी एक बहिनीको पनि निधन भएको थियो । शोकको बोझले भरिएको परिवार पटनाबाट दिल्ली सरेको थियो ।
सुशान्तलाई सानैदेखि पढाइप्रति लगाव थियो । दिल्ली आएपछि उनले सेन्ट केरेन्स स्कूलबाट थप अध्ययन गरे । यसपछि उनले सन् २००३ मा दिल्ली युनिभर्सिटी अफ टेक्नोलोजीको प्रवेश परीक्षा दिए, जसमा उनले सातौं स्थान हासिल गरे । सुशान्तले भारतीय खानी विश्वविद्यालयसहित कुल ११ वटा इन्जिनियरिङ प्रवेश परीक्षा उत्तीर्ण गरेका थिए ।
सुशान्तको पहिलो कमाई २५० रुपैयाँ थियो । तर, सफलता पाएपछि सुशान्तले एउटा फिल्मका लागि करिब ५ देखि ७ करोड रुपैयाँ लिन्थे । फिल्मका अलावा उनको आम्दानीको स्रोत ब्राण्ड एन्डोर्समेन्ट र स्टेज शो पनि थिए ।
बलिउडमा प्रवेश गरेपछि सुशान्तले २०१५ मा पाली हिल क्षेत्रमा पेन्टहाउस किनेका थिए । यस पेन्टहाउसको मूल्य २० करोड रुपैयाँ थियो । सुशान्तको कार संग्रहमा १.५ करोडको मासेराती क्वाट्रोपोर्टो लक्जरी कार समावेश छ । उनीसँग २५ लाखको के१३०००आर बाइक पनि थियो । उनका दुबै गाडीको नम्बर ४७४७ थियो ।
अप्रिल २६, २०१८ मा, सुशान्तले दुई जनासँग मिलेर आफ्नो कम्पनी इन्नासाई भेन्चर्सको आधारशिला राखे । नयाँ प्रविधिको प्रवद्र्धनका लागि काम गर्न लागेको यो कम्पनीमा सुशान्तले ३०० करोड रुपैयाँ लगानी गर्न लागेका थिए ।
सुशान्तले आफ्नो कम्पनी इन्नासाई भेन्चरबाट १२ वटा बायोपिक बनाउन लागेका थिए, जसमा उनले विभिन्न ऐतिहासिक पात्रको भूमिका निर्वाह गर्नेछन् । फिल्ममा व्यस्तताका कारण सुशान्तले निर्माणमा ध्यान दिन सकेनन् ।
सुशान्तले सन् २०१९ मा प्रेमिका रिया चक्रवर्ती र भाइ शौविकसँग भिविड्रेज रिअल्टिक्स दर्ता गरेका थिए । यस कम्पनीको नाम रिया पछि लेखिएको थियो ।
