काठमाडौँ । माइतीघरमा निषेधाज्ञा हटाउनुपर्ने मागसहित सत्तारुढ दल नेपाली कांग्रेसको भ्रातृ संगठन नेपाल विद्यार्थी संघले आइतबार विरोध प्रदर्शन गरेको छ ।
अभिव्यक्ति स्वतन्त्रताको अधिकार खोसिएको भन्दै संघको काठमाडौँ जिल्ला कार्यसमितिले निषेधित क्षेत्र घोषित माइतीघर पुगेर विरोध प्रदर्शन गरेको हो ।
प्रदर्शनकारीले ‘माइतीघरको निषेधाज्ञा खारेज गर ! , अभिव्यक्ति स्वतन्त्रता कायम गर’ जस्ता प्लेकार्ड बोक्नुका साथै नाराबाजी समेत गरेका थिए ।
सोहि क्रममा प्रहरी र प्रदर्शनकारीबीच तँछाडमछाडसमेत भएको थियो । प्रहरीले प्रहरीले २० जनाभन्दा बढी प्रदर्शनकारीलाई नियन्त्रणमा समेत लिएको छ ।
