चितवन । नवलपुरमा गर्भवती श्रीमतीको हत्या आरोपमा एक जना पक्राउ परेका छन् ।
हुप्सेकोट गाउँपालिका वडा नं. ६ बिरुखर्कका ३४ वर्षीया श्रीमती चनिसरा लम्कामगरको हत्या आरोपमा ३३ वर्षका शेरबहादुर लम्कामगर पक्राउ परेका हुन् ।
शेरबहादुरले आज बिहान घरमै सुतिरहेकी अवस्थामा ८ महिनाकी गर्भवती श्रीमती चनिसरालाई कोदालो र खुर्पा प्रहार गरी हत्या गरेका जिल्ला प्रहरी कार्यालय नवलपुरका प्रहरी नायव उपरिक्षक बेद बहादुर पौडेलले जानकारी दिए ।
हत्याको कारण भने खुलेको छैन । घटनाबारे थप अनुसन्धान भईरहेको प्रहरीले जनाएको छ ।
