एजेन्सी । बलिउड अभिनेता जोन अब्राहम आफ्नो दमदार अभिनय र अदभुत फिटनेसका कारण बारम्बार चर्चामा हुन्छन् । जब जोन अब्राहम पर्दामा आउँछन्, फ्यानहरूले उनको प्रशंसा गर्न थाल्छन् । तर यसपटक अभिनेता आफ्नो अभिनय वा फिटनेसका कारण नभई एउटा खुसीको खबरका कारण चर्चामा आएका छन् ।
रिपोर्टको विश्वास गर्ने हो भने जोन अब्राहमले मुम्बईको एक पोश क्षेत्रमा ७५ करोड (१२० करोड रुपैयाँ)को बंगला किनेका छन् ।
मिडिया रिपोर्टका अनुसार जोन अब्राहम प्रोपर्टीजले मुम्बईको खार क्षेत्रको लिंकिङ रोडमा रहेको निर्मल भवन नामको बंगला खरिद गरेको छ । जोन अब्राहमको नयाँ बंगला ग्राउन्ड प्लस दुई तले ७,७७२ स्क्वायर फिटमा फैलिएको छ ।
इन्डेक्सट्यापडटकमका अनुसार जोन अब्राहमले यो सम्पत्ति प्रवीण नाथलाल शाह र परिवारबाट ७०.८ करोड भारुमा किनेका हुन् । समाचारका अनुसार जोनले २७ डिसेम्बरमा बंगला दर्ता गरेका थिए । यससँगै बंगलाको दर्ता स्ट्याम्प शुल्कमा ४.२५ करोड रुपैयाँ खर्च भएको छ ।
लिंकिङ रोडको यस क्षेत्रमा धेरै ठूला व्यापारीहरू बस्छन् र यहाँ सम्पत्तिको मूल्य आकाश छुन्छन् । प्रीति जिन्टादेखि सलमान खानसम्मको पनि यस क्षेत्रमा सम्पत्ति छ । तर, जोन अब्राहम लिकिङ रोडमा रहेको यो बंगलामा के गर्न लागेका छन् भन्नेबारेमा केही खुलाइएको छैन ।
जोन अब्राहम ती बलिउड व्यक्तित्वहरूमध्ये एक हुन् जसले रियल स्टेटमा ठूलो रकम लगानी गरेका छन् । २००९ मा, अभिनेताले युनियन पार्क (मुम्बई) नजिकै एक प्लट पनि किनेका थिए ।
