• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   कर्नाटक प्रहरीको खुलासाः प्रमाण नष्ट गर्नका लागि दर्शनले साथीसँग ४० लाख रुपैयाँ लिए ★   ग्लोबल आइएमई बैंकका ग्राहकलाई आरुष लाइफस्टाइल हस्पिटलमा ३० प्रतिशतसम्म छुट ★   वातावरण व्यवस्थापनमा तीन प्रतिशत बजेट विनियोजन गर्दै चन्द्रागिरि नगरपालिका ★   पृथ्वीराजमार्गको थर्पु–खैरेनीटार खण्ड एकतर्फी सञ्चालनमा ★   योगलाई धर्म र जातमा सिमित गर्नु हुँदैनः अध्यक्ष ओली ★   जब पृथ्वीमा १०–२० लाख वर्षसम्म लगातार पानी परिरहन्थ्यो ★   ९० दशककी ‘सोनपरी’ आजभोलि के गर्दैछिन् ? ★   डेल्टा कम्प्लेक्समा भएको आगलागीबाट ५० करोड क्षतिको अनुमान ★   शासकीय सुधारका लागि संविधान संशोधनमा जानुपर्छ: पूर्वप्रधानमन्त्री डा भट्टराई (अन्तरवार्ता) ★   नवरात्रमा मात्रै खुल्ने खड्गदेवी मन्दिर अब दैनिकरुपमा खुला गरिने

त्रिवि प्राध्यापकको स्वीकारोक्तिः आज क्लास भएन !



काठमाडौं: देशभित्र खुलेका विभिन्न विश्वविद्यालयले अहिले विद्यार्थी अभाव झेलिरहेका छन् । देशको सबैभन्दा जेठो त्रिभुवन विश्वविद्यालय, राम्रो पढाईका लागि नाम कमाएको काठमाडौं विश्वविद्यालय समेतका विभिन्न संकायमा विद्यार्थी भर्ना हुन छाडेका छन् ।

त्रिभुवन विश्वविद्यालयमा केही वर्षअघि देखि नै स्नातकोत्तर तहमा विद्यार्थीको अभाव रहेको र कतिपय संकायमा पढ्ने विद्यार्थीभन्दा शिक्षक, प्राध्यापक बढी हुन थालेका समाचार आइरहेका थिए ।

तर यसबीच त्रिविको निकै लोकप्रिय जनसंख्या विभागमा पनि हालत उस्तै रहेको स्वयं त्यही विभागका प्राध्यापकको भनाइ छ ।

प्राध्यापक बालकृष्ण माबुहाङले आज फेसबुकमा “आज क्लास भएन” शीर्षकमा एउटा मार्मिक स्टाटस लेख्नु भएको छ ।

उहाँले भन्नु भएको छ, “यही विभाग हो, जहाँ पौने तीन सयको हाराहारीमा विद्यार्थी भर्ना हुन भिड हुन्थे । जनसंख्याको समस्यालाई पड्किन तयार१ बम भनेर भनिन्थ्यो।

“त्रिविको उपकुलपति हुन चाहनेको लाम्बाकुती (ह‍ोडबाजी) चलेको सुनिन्छ, तर विद्यार्थी छैनन् । एकाबिहानै पढाउन म विभागमा हाजिर भएँ, तर विद्यार्थी आएनन् । पढाउने पिरियड भरी विद्यार्थी पर्खेर बसेँ, विद्यार्थी आएनन् । छैनन् ।” उहाँको भनाइ छ ।

प्राध्यापक माबुहाङ भन्नुहुन्छ, कसलाई कसले दोषारोपण गर्ने वा विद्यार्थी खोज्न जाने ? जान पनि कहाँ जाने ? यही ठाउँ हो जहाँ नेपाली महिलाको प्रजनन् दर अधिक भयो, घटाउन पर्छ भनेर पढ्ने पढाउने र पढाएको ।

विश्वमै जनसंख्या व्यवस्थापनको विषय गम्भीर रहेको भए पनि यस विषयमा अध्ययन गर्ने विद्यार्थीको संख्या खस्किनु अनौठो भएको उहाँको बुझाइ छ ।

राजनीतिको चरम रुप देखिने त्रिभुवन विश्वविद्यालयले समयमै आफ्ना कार्यक्रम र परीक्षा प्रणालीमा सुधार नगरे विश्वविद्यालय मात्र नभई देशबाटै विद्यार्थीहरु अन्यत्र पलायन हुन सक्ने छन् । यसतर्फ त्रिवि प्रशासन र सरकारले गम्भीर विचार विमर्श गर्नुपर्ने खाँचो छ, र सबैभन्दा महत्वपूर्ण कुरा विश्वविद्यालयमा हुने राजनीतिकरणलाई रोक्नु पर्दछ जुन अहिले तत्काल सम्भव छैन ।

पछिल्लो समय समाचार आइरहेको छ, फेरि पनि त्रिविका रिक्त पदाधिकारीमा सत्तारुढ गठबन्धनबीच बाँडफाँड हुँदैछ, र प्रधानमन्त्री यसको तयारीमा हुनुहुन्छ ।

त्रिवि जनसंख्या विभाग परिसर कीर्तिपुर ।