• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   प्रधानमन्त्रीको आवाजलाई नै नसुनि बजेट पारित भयो: सांसद खतिवडा ★   केदार कार्कीको रिट खारेज, मुख्यमन्त्रीमा हिक्मत कार्कीको निरन्तरता ★   बजेट शतप्रतिशत कार्यान्वयन गर्न सरकारले सामथ्र्य देखाउनुपर्छ: प्रमुख सचेतक बर्तौला ★   टेलिभिजन शोमा गरेको टिप्पणीलाई लिएर स्वस्तिमा र साम्राज्ञीले मागे जसितासँग माफी ★   अस्पताल भर्ना भएपछि पानी सङ्कटको विषयमा जारी भारतिय जलमन्त्रीको भोक हडताल समाप्त ★   आयकर ऐनको दफा ५७ लगानी प्रोत्साहनका लागि संशोधन गरिएको हो: अर्थमन्त्री पुन ★   बलिउड स्टारको पारिश्रमिक लगातार बढेपछि अनिल कपुरले दिए फ्रिमा काम गरेको उदाहरण ★   धनराजको घोषणा: मैले एक रुपैयाँ पनि भ्रष्टाचार गरेको प्रमाण ल्याए राजनीति छोड्छु ★   गगनको टिप्पणी: म जादुगर हो भनेको जस्तो गरी यताउति उफ्रिने काम प्रधानमन्त्रीलाई छोडिदिउँ ★   नेप्से परिसूचक पाँच दशमलव ६० अङ्कले बढ्यो

उत्तराखण्ड सुरुङमा भर्टिकल ड्रिलिङ सुरु, पहाडमा बाटो बनाएर कामदार निकाल्ने तयारी



एजेन्सी । उत्तरकाशीको सिल्क्यरा सुरुङमा फसेका ४१ मजदुरको उद्धारका लागि शुक्रबारदेखि रोकिएको उद्धार कार्य आज पुनः सुरु भएको छ ।

अहिले मजदुरसम्म पुग्न पहाडको चुचुरोबाट भर्टिकल ड्रिलिङ भइरहेको छ । यसका लागि आवश्यक पर्ने मेसिनरी आइतबार दिउँसो मात्रै हिमालको चुचुरोमा पुगेको थियो ।

ठाडो ड्रिलिङ अन्तर्गत पहाडमा माथिदेखि तलसम्म ठूलो प्वाल बनाएर बाटो बनाइनेछ । तर, उत्खननका क्रममा ठूलो परिमाणमा भग्नावशेष खस्ने सम्भावना भएकाले यसमा धेरै खतरा छ । ड्रिलिंग कति समय लाग्छ भन्ने बारे भने केही बताइएको छैन । आज टनेलमा फोन ल्यान्डलाइन पनि हालिनेछ । यसबाट कामदारले आफ्नो परिवारसँग कुरा गर्न सक्नेछन् ।

सुरुङमा फसेका मजदुरसम्म पुग्न नसकेपछि प्लान बी अन्तर्गत ठाडो ड्रिलिङ गर्ने योजना बनाइएको थियो । यो काम सतलुज विद्युत निगम लिमिटेडले गरिरहेको छ। यसअघि बोर्डर रोड अर्गनाइजेसन (बीआरओ) का सैनिकले रुख काटेर भारी मेसिनरीलाई हिमालको चुचुरोमा लैजान बाटो तयार पारेका थिए ।

उत्तराखण्डका मुख्यमन्त्री पुष्करसिंह धामीले ८९ मिटर तल अर्को ठाडो ड्रिलिङको काम भइरहेको शनिबार बताएका थिए । सुरुङ मार्गभन्दा धेरै टाढाबाट पनि काम सुरु भएको छ । यो तेस्रो मार्ग करिब चार सय ८० मिटर लामो रहेको अनुमान गरिएको छ ।

मङ्गलबार सुरुङभित्र फसेका कामदारहरूलाई पहिलो पटक जीवित देखिएको थियो । उद्धारकर्मीहरूले एउटा पातलो पाइपको माध्यमबाट पठाइएको एन्डोस्कोपिक क्यामेराको लेन्सलाई उनीहरूले हेरिरहेको देखिएको थियो । सोही पाइपमार्फत उनीहरूलाई हावा, खाना, पानी र बिजुली पुर्याइएको थियो ।

भग्नावशेष खस्ने र ड्रिलिङ मेसिन बारम्बार बिग्रिँदा उद्धार प्रयास सुस्त र जटिल भएको छ ।