काठमाडौं । काठमाडौं महानगरपालिकाले पुलमुनि फोहोर फाल्ने १९ जनालाई जरिवाना तिराएको छ ।
काठमाडौं महानगर–३२ स्थित बालकुमारीस्थित आकाशे पुलमुनि रातको समयमा फोहोर फाल्ने उनीहरुलाई नियन्त्रणमा लिई जरिवाना तिराएको हो ।
महानगरले जरिवानाबापत उनीहरूबाट ५० हजार ५ सय रूपैयाँ असुल गरेको जनाएको छ । स्थानीयको गुनासोपछि सोमबार राति नगरप्रहरीले सो क्षेत्रमा छड्के अनुगमन गरेको थियो ।
