काठमाडौँ । नेकपा (एकीकृत समाजवादी)का महासचिव घनश्याम भुसालले केपी ओलीको उदयपछि नेपाली राजनीतिमा घृणा, निन्दा, गालीगलौज र भर्त्सना परम्परा विकास भएको टिप्पणी गर्नुभएको छ ।
एकीकृत समाजवादी निकट अनेरास्ववियूको स्थायी कमिटी बैठकमा शुक्रबार उहाँले पछिल्लो समय ओेलीलाई माथ गर्ने ढंगले निन्दा र भर्त्स्ना गर्नेहरु नेपालको राजनीतिमा उदाइसकेको बताउनुभयो ।
“कमरेड ओलीको उदयपछि नेपालको राजनीतिमा घृणा, निन्दाको भर्त्सना, गालीगलौजको संस्कृति परम्परा बन्दै गयो । अहिले आधीभन्दा दश हात निन्दा भर्त्सना अरु नै आइसके । बूढो प्रतिनिधिको ठाउँमा जवान प्रतिनिधिहरू आएका छन् ।”
ओलीले जे गरे अझै १५ वर्ष आफूले विद्यार्थीहरूलाई त्यसबारे पढाउने महासचिव भुसालको भनाइ थियो । रास्वपा र स्वतन्त्र मेयरहरूप्रति लक्षित गर्दै उहाँले निन्दा र गालीगलौजबाट राजनीतिमा स्थापित हुने परम्परात विकास भएकाले अनेरास्ववियूले संस्कारसहितको राजनीतिको अभियान चलाउनुपर्ने बताउनुभयो ।
