काठमाडौं । नेपालमा थप ८१६७ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा देशभरका विभिन्न प्रयोगशालामा गरिएको परीक्षणमा उक्त संख्यामा संक्रमित पाइएको हो ।
यस्तै शनिबार कोरोनाका कारण १८७ जनाले ज्यान गुमाएका छन् ।
पछिल्लो २४ घण्टामा १८ हजार ५४८ परीक्षणमध्ये १७ हजार ९७१ जनाको पिसिआर र ५७७ जनाको एन्टिजेन परीक्षण गरिएको थियो ।
थपिएका संक्रमितसँगै नेपालमा हालसम्म संक्रमितको संख्या ४ लाख ४७ हजार ७०४ पुगेको छ । यस्तै ३ लाख ३३ हजार १०८ संक्रमित निको भएका छन् ।
कोरोनाबाट हालसम्म नेपालमा ४ हजार ८५६ जनाले ज्यान गुमाएका छन् । यस्तै पछिल्लो २४ घण्टामा ५४५५ संक्रमित निको भएका छन् ।
