काठमाडौँ । ललितपुर महानगरपालिकाले ६ अर्ब ५० करोड रुपैयाँको बजेट सार्वजनिक गरेको छ ।
आइतबार मानभवनको एक पार्टी प्यालेसमा आयोजित नगरसभामा महानगरकी उपप्रमुख मञ्जली शाक्य बज्राचार्यले ६ अर्ब ५० करोड रुपैयाँको बजेट प्रस्तुत गरेकी हुन् ।
महानगरले पुँजीगततर्फ ४ अर्ब २१ लाख ४६ हजार, चालुतर्फ २ अर्ब ४९ करोड ८४ लाख ४२ हजार प्राप्त हुने अनुमान छ ।
राजस्व बाँडफाँटबाट २ अर्ब १६ करोड र सामाजिक सुरक्षा र जग्गा एकीकरणबाट २ अर्ब प्राप्त हुने उपप्रमुख शाक्यले जानकारी दिइन् । यस्तै, १० वटा महानगर गौरवको योजनाका लागि ३ अर्ब ८० करोड विनियोजन गरिएको छ ।
महानगरले बजेटमा सडक पूर्वाधार र सम्पदामा जोड दिएको छ । साथै, विपद व्यवस्थापन डिआरआर सव–सेन्टर स्थापना तथा संचालन, पाटन दरबार इलिमिनेसन प्रोजेक्ट–हरियालीरपार्क निर्माण जस्ता कुराहरुलाई बजेटमा प्राथामिकताका साथ राखिएको छ ।
