सुर्खेत । कर्णाली प्रदेशका मुख्यमन्त्री राजकुमार शर्मालाई नेकपा एमालेले विश्वासको मत दिने भएको छ । एमाले संसदीय दलका नेता यामलाल कँडेलले मुख्यमन्त्री शर्मालाई विश्वासको मत दिने निर्णय गरेका हुन्।
यस्तै, कांग्रेस संसदीय दलका नेता जीवनबहादुर शाहीले भने आवश्यक परेको अवस्थामा मात्रै मत दिने जनाए ।
गत माघ ६ गते एमाले, राष्ट्रिय प्रजातन्त्र पार्टी (राप्रपा) र नेकपा एकीकृत समाजवादीको समर्थनमा माओवादी संसदीय दलका नेता शर्माको नेतृत्वका कर्णाली सरकार बनेको थियो । तर, प्रदेश सरकारबाट राप्रपाले समर्थन फिर्ता लिएपछि मुख्यमन्त्री शर्माले दोस्रोपटक विश्वासको मत मागेका हुन् ।
