गुल्मी । राष्ट्रिय प्रजातन्त्र पार्टीका प्रवक्ता ज्ञानेन्द्र शाहीले संसद भवन नेताहरुको झगडा गर्ने थलो बनेको टिप्पणी गरेका छ्न् ।
शुक्रबार तम्घासमा जिल्ला पार्टी राप्रपाले आयोजना गरेको पत्रकार सम्मेलनमा बोल्दै शाहीले संसद भवन जनताको समस्या समाधान गर्ने विषयमा छलफल नभई झगडा गर्ने थलो बनेको बताएका हुन् ।
शाहीले मन्त्रीहरूले लगाएको कोट परिवर्तन गर्न नपाउँदै सरकार परिवर्तन हुने गरेको बताए । उनले पछिल्लोसमय राजनीति राज्यको निम्ति नभई अवसरका निम्ति भएको र राजनीति घीनलाग्ने खालको भएको आरोप लगाए ।
प्रवक्ता शाहीले राज्यको करले कर्मचारीलाई तलब खुवाउन पनि नसक्ने भन्दै राज्यको नाममा २० खर्बभन्दा बढी आर्थिक भार रहेको बताए ।
