काठमाडौँ। प्रधानमन्त्री पुष्पकमल दाहाल प्रचण्डले सरकार बिस्तारपछि सरकारले इतिहासमा नयाँ रेकर्ड बनाउने गरी काम गर्ने बताउनुभएको छ ।
शुक्रबार दिउँसो कोटेश्वरमा नेपाल राष्ट्रिय कर्मचारी संगठन निजामतीको राष्ट्रिय सम्मेलनमा उहाँले मन्त्रिपरिषद बिस्तार भएपछि सरकारका कामले गति लिने बताउनुभयो ।
“यसपटक इतिहासमा गौरव गर्न सकिने केही काम गर्न खोज्दैछु”, प्रधानमन्त्री प्रचण्डले भन्नुभयो, “केही ठूला आयोजनाहरू र राष्ट्रले गौरव गर्ने निर्णयहरू गर्नेछु ।”।
उहाँले अझै पनि मन्त्रिपरिषद्लाई पूर्णता दिन सक्नुभएको छ । प्रधानमन्त्री भएको ३ महिनामा उहाँले शुक्रबार सातौँपटक मन्त्रिपरिषद् विस्तार गर्दै हुनुहुन्छ ।
