काठमाडौं । प्रतिनिधि सभा आजको बैठकमा एमसीसी टेबल नहुने भएको छ । प्रधानमन्त्री निवास बालुवाटारमा बसेको सत्तारूढ गठबन्धनको बैठक आईतबार बिहान १० बजे बस्ने सहमति भएको छ ।
प्रधानमन्त्री शेरबहादुर देउवालाई सामूहिक रुपमा दवाब दिन आज बिहान मात्र छलफलमा जुटेका माओबादी केन्द्रका अध्यक्ष पुष्पकमल दाहाल, नेकपा एकिकृत समाजबादीका अध्यक्ष माधब नेपाल र जनता समाजबादी पार्टीका अध्यक्ष उपेन्द्र यादब वालुवाटार पुग्नु भएको थियो ।
प्रधानमन्त्री देउवाले आजको बैठकमा एमसीसी टेबल गर्ने जनाएपनि एसका अध्यक्ष माधब नेपालले आफ्नो पार्टीको स्थायी समितिको बैठक भएका कारण दुई दिन पर सार्न आग्रह गरेपछि शिर्ष बैठक स्थगित भएको हो । यसै बीच नेकपा एमालेले प्रतिनिधिसभाको आजको बैठकमा पनि आफ्नो बिरोध कायम राख्ने भएको छ ।
